Relasaun sexual la’os sexual de’it, maibe relasaun sexual nia indikasaun liga liu ba iha alma(jiwa). Bainhira toba ho feto/mane ne’ebe mak la hanesan no la’os ita nia parseiru/a, iha momentu ne’e kesi ona ita nia alma ho sira nia alma, alma ne’ebe sira iha dalaruma mai ho forma espiritu nakukun nian ne’ebe mak la hanesan. Entre alma hirak ne’e bele estraga no harahun alma ne’ebe ita iha, inklui mós bele impedementu ba ita nia bensaun.
Dala ruma ita foti desizaun ne’ebe estranhu liu, estranhu tamba ita nia isin domina ona ho trevas(kegelapan) husi alma sira husi feto/mane ne’ebe mak la hensan tamba halo ona relasaun sexual ho sira. Provizoriamente iha parte seluk husi feto/mane ka jovem sira ne’ebe mak la hanesan gosta hela ita nune’e mos feto/mane ka jovem sira seluk, tamba ida ne’e mak tenke hanoin didiak asuntu sira kona ba relasaun sexual, ne’e la’os to’o iha ne’e de’it maibe liga mos ba ita nia alma. Reffleta ho (Gal 5;17, 19).
Relasaun sexual ho isin ne’ebe la hanesan, signifika iha ita nia isin iha ona imajinasaun ne’ebe la hanesan tamba hala’o relasaun ho alma sira ne’ebe mak la hanesan, no husi ida ne’e iha ona mudansa kognitivu ne’ebe signifikante tebes no ita ida agora ne’e la hanesan ona ho ita ida uluk, maibe ho kognitivu ne’ebe la hanesan iha ona ita nia laran tamba hala’o ona relasaun sexual ho sira, la imajina mundu ohin loron ne’e ema barak mak hasoru susar ho problema tamba estraga ona nia alama no la iha ona alma ne’ebe mak los no puro.
Ho alma ne’ebe mak lalos ne’e ikus mai konduz tempu ida ho sira nune’e hasoru malu iha fatin ne’ebe de’it sempre hala’o relasaun sexual ho ema sira ne’ebe hakarak troka bebeik parseiru/a no dalaruma iha ona malisan nia laran husi bei-ala sira to’o mai nia jerasaun sira.
Kauza husi buat hirak ne’e mak dalaruma moris uma kain nia la hakamtek no la iha familia ne’ebe moris ho harmonia, sempre hasoru dezafiu oin-oin, to’o mosu violensia domestika, divorsiu(fahe malu) no la iha ona dignidade familia nian hanesan familia nazare.
Tamba ne’e mak lalika fo fatin ba diabu sira hodi mai domina ita nia isin no tenki kontrola ita nia hanoin no hakarak ne’ebe mundu nian. Matan moris no neon nain ba, no kosiente iha ba atu nune’e labele monu ba lasu at sira, se diak liu buka parseiru/a ne’ebe mak komprende didiak kona ba vida espiritual no vida fizikamente. Refleta ho (1 kor 3;18).
Imajina didiak tok, se ita nia parseiru/a ne’e hadomi tebes ita, maibe ita la iha konsiensia hakarak ba hala’o relasaun sexual ho ema seluk ka ema ne’ebe la’os ita nia parseiru rasik maibe fila mai tan ho ita nia parseiru/a rasik, signika ita transfere ona alma at sira ne’ebe iha ita nia isin ba ona ita nia parseiru/a rasik ne’ebe Maromak deside ona ba ita, no hadomi tebes ita, refleta didiak tok hahalok hira ne’e diak! Ka ita nia konsiensia mak lakon! Kata bantu dehan nune’e ( o nia fuan ne asu ma khan tiha ona karik!), ne’e mak o nia parseiru/a ne’ebe honestu los ba o iha, no hadomi los o iha ona no tau laran metin los ba o maibe ho o nia egoismu bele estraga buat hotu.
Ne’e duni ita tenki hanoin uluk lai molok atu realiza buat ruma, konsinte ona katak kondom hirak mak o uja ne’e sei la proteje o husi o nia alma no mos familia. Ho ida ne’e mak tenki hanoin ona katak hili parseiru/a ida de’it hodi hala’o relasaun sexual to rohan, hadomi nia hanesan o nia an rasik, hakruk no respeita/u nia hanesan ita nia ita heroi ka liurai. Kontrola an didiak ba hodi hatudu no halo buat ne’ebe los ba ita nia an rasik no mós ba ita nia parseiru/a.
Ho nune’e mak labele destroy sedu ita nia alma no ita nia parseiru/a nia alma basa sira nia domin ba ita ne’e liu buat hotu, hadomi nia ba to’o moris ne’e nia rohan. Refleta ho (1 kor 7;16).
Mundu ohin loron susar tebes ba ema sira ne’ebe moria iha era modernizasaun ne’e hodi hetan sinseridade no honestidade iha famlia laran ne’e hanesan buat ida karik folin karun tebe-tebes, no defisil tebes atu habelar no habo’ot domin ne’e iha familia laran entre fen ho la’en inklui entre inan, aman ho oan sira.
Maromak kria ita tuir nia illas, exatamente ita simu i’is husi Nia, i’is ne’ebe mak iha hanesan mós ho alma ne’ebe ita iha, bainhira ita uja sala ita nia konsiensia mak alma diak ne’ebe Maromak fo ba ita ne’e sei estraga total no troka fali alma trevas(kegelapan) nia ne’ebe mak ba troka tun sae, tamba ne’e mak atu kontrola buat hirak ne’e koalia ho Maromak loron loron liu husi le biblia hodi refleta bebeik ba ita nia moris loron-loron nia. Refleta ho (Maz 1;2)
FONTES HUSI FB : AnHare
TRADUS HUSI : Tafui-Lorosa’e
Refleta tuir bibilia : Tafui-Lorosa”e
HEIN KATAK BELE IHA BENEFISIU BA LE NAIN SIRA.
